कृषीपुणेपुणे जिल्हामहाराष्ट्रमुंबईराजकारण
सौर कृषी पंप योजनेत एजन्सी कडून लूट! महावितरणचे दुर्लक्ष
पुणे जिल्ह्यातील शिरूर तालुक्यात शेतकऱ्यांची होतेय लुट
टाकळी हाजी (ता. शिरूर):
शेतकऱ्यांना सौर कृषी पंप योजनेच्या नावाखाली लुटले जात आहे, आणि या लुटीत महावितरणमधील काही अधिकाऱ्यांचीही भूमिका संशयाच्या भोवऱ्यात आहे. एप्रिल महिन्यात या प्रकारावर आवाज उठऊनही परिस्थितीत काहीच फरक पडलेला नाही. अजूनही शेतकऱ्यांना पंप उभारणीसाठी केलेल्या खर्चाची भरपाई मिळालेली नाही, आणि एजन्सीजची मनमानी सुरूच आहे.
शेतकऱ्यांच्या खिशाला कात्री:
सरकारी निकषांनुसार, सौर पंपाची संपूर्ण उभारणीची जबाबदारी एजन्सीवर आहे. मात्र प्रत्यक्षात शेतकऱ्यांकडून खड्डे खोदण्यापासून मजुरांच्या पैशांपर्यंत सर्व खर्च करवून घेतला जातो. “पंप पाहिजे असेल तर काम करा” – हा अघोषित फॉर्म्युला शेतकऱ्यांना गिळगण्ठी घालतो आहे.
सांगायचं सोपं – सहन करणं अवघड:
देविदास पवार (शेतकरी, टाकळी हाजी) सांगतात, “एजन्सीच्या लोकांनी खड्डा, सिमेंट, प्लेट, मजूर – सगळं आमच्याकडून करून घेतलं. तीन ते चार हजार रुपये खर्च आला.” शेकडो शेतकऱ्यांचा हाच अनुभव असूनही अद्याप भरपाई तर सोडाच, चौकशीही संथगतीने चालू आहे.
राजकीय हस्तक्षेप निष्प्रभ!
माजी मंत्री दिलीपराव वळसे पाटील आणि खासदार डॉ. अमोल कोल्हे यांनी चौकशीची मागणी केली असली, तरी महावितरणच्या पातळीवर काही ठोस हालचाल नाही. उलट, काही अधिकारीच एजन्सींना पाठीशी घालतात, असा आरोप शेतकऱ्यांतून होतो आहे.
“तक्रारींच्या एजन्सींना काळ्या यादीत टाका” – राजेंद्र गावडे
“महावितरणच्या कर्मचाऱ्यांपासून ते एजन्सीपर्यंत सगळ्यांनी शेतकऱ्यांची आर्थिक पिळवणूक केली आहे. तक्रारी असलेल्या कंपन्यांना कामे देणे थांबवावे आणि पारदर्शक यंत्रणा उभी करावी.”
— राजेंद्र गावडे (माजी संचालक, शिरूर कृषी उत्पन्न बाजार समिती)
तक्रार करा – थांबूया लूट!
शेतकऱ्यांनी पुढील टोल फ्री क्रमांकावर तक्रार नोंदवावी: 📞 1800-212-3435 / 1800-233-3435
🌐 तक्रार नोंदणी संकेतस्थळ
महत्वाची मागणी:
शेतकरी वर्गाने एकमुखाने मागणी केली आहे की —
लुट करणाऱ्या एजन्सींवर फौजदारी गुन्हे दाखल व्हावेत
शेतकऱ्यांना झालेल्या खर्चाची तात्काळ भरपाई मिळावी
आणि सौर पंप योजनेत पारदर्शकता आणून, पुन्हा अशी लूट टळावी
“सरकारने योजना जाहीर केल्या, पण अंमलबजावणीचा बोजवारा उडाला… आता आम्हीच खड्डे खोदतोय आणि खिशातही खड्डे पडत आहेत!”
— शेतकऱ्यांचे कडवट मनोगत
⛔ लुट थांबवा – उत्तरदायित्व ठेवा – शेतकऱ्यांचा सन्मान करा!
